ఐకాన్ స్టార్ అల్లు అర్జున్‌కి దర్శకుడు నెల్సన్ విన్నపం..! ఏంటో తెలుసా..?

ఐకాన్ స్టార్ అల్లు అర్జున్ హీరోగా రష్మిక మందన హీరోయినిగా నటించిన సినిమా ‘పుష్ప 2’. ఈ సినిమా డిసెంబర్ 5న ప్రేక్షకుల ముందుకు రానుంది. దీంతో చిత్ర బృందం పలు ప్రధాన నగరాలకు వెళ్లి ప్రమోషన్ కార్యక్రమాల్లో పాల్గొంటోంది. ఈ సందర్భంలో ఈ ‘పుష్ప-2’ సినిమా ప్రమోషన్ నిన్న చెన్నైలో జరిగింది. ఈ కార్యక్రమానికి దర్శకుడు నెల్సన్ ప్రత్యేక అతిథిగా హాజరయ్యారు. ఆయన మాట్లాడుతుండగా నేను ఒకసారి నటుడు అల్లు అర్జున్‌ని కలవడానికి వెళ్లి కథ చెప్పాను అని తెలిపారు.
అప్పట్లో నాకు తెలుగు రాదు కాబట్టి ఆయనకు కథ ఎలా చెప్పబోతున్నానో అని సందిగ్ధంలో పడ్డాను. కానీ అయన తమిళం కూడా అందంగా మాట్లాడారు. అప్పుడే నేరుగా ఓ తమిళ సినిమాలో నటించవచ్చని అనిపించింది. అందుకే భవిష్యత్తులో తెలుగుతో పాటు తమిళం, హిందీ సినిమాల్లోనూ నటించాలని అల్లు అర్జున్‌కి నెల్సన్ రిక్వెస్ట్ చేశాడు. అది విని అంగీకరించినట్లు తల ఊపాడు. తర్వాత అల్లు అర్జున్‌తో ఎప్పుడు సినిమా తీయబోతున్నారు? అని యాంకర్ నెల్సన్‌ని అడగ్గా, సమాధానం అల్లు అర్జున్ చెప్పాలి అని నెల్సన్ చెప్పడంతో, అల్లు అర్జున్ థంబ్స్ అప్ ఇచ్చి డైరెక్షన్‌లో నటించడానికి అంగీకరించాడు.