లయన్స్ క్లబ్ అధ్వర్యంలో వైద్యులకు ఘనంగా సన్మానం..

ఇదేనిజం, శేరిలింగంపల్లి: అంతర్జాతీయ వైద్య దినోత్సవం పురస్కరించుకొని శేరిలింగంపల్లిలోని  ఆయా ప్రభుత్వ ఆసుపత్రులలో  విధులు నిర్వహిస్తున్న వైద్యులను లయన్స్ క్లబ్ అధ్వర్యంలో మంగళవారం ఘనంగా సన్మానించారు.  ఈ సందర్భంగా వైద్య వృత్తిలో చేసిన సేవలకు గుర్తింపుగా పలువురు వైద్యులను  లయన్స్ క్లబ్ రీజియన్ చైర్మెన్ నందికంది కరుణాకర్ గౌడ్  శాలువా, జ్ఞాపిక ను అందజేసి సన్మానించారు . వైద్య రంగంలో సేవలు అందచేస్తున్న వైద్యులను సన్మానించుకోవడం తన అదృష్టంగా భావిస్తున్నట్లు లయన్ కరుణాకర్ గౌడ్ తెలిపారు. ఈ కార్యక్రమంలో లయన్ జోన్ చైర్మెన్ కొండా విజయ్ కుమార్, లయన్స్ క్లబ్ ఆఫ్ శేరిలింగంపల్లి  అధ్యక్షుడు ప్రసాద్,కార్యదర్శి, లక్ష్మీనారాయణగౌడ్, ట్రెజరర్ గండి చెర్ల జనర్దన్ రెడ్డి అశోక్ గౌడ్, స్వర్ణలత తదితరులు పాల్గొన్నారు .