హైదరాబాద్ః డాక్ట‌ర్ బి. ఆర్. అంబేద్కర్ ఓపెన్ యూనివర్శిటీ డిగ్రీ (సి.బి.సి.యస్) ఆరో సెమిస్టర్ పరీక్షలు అక్టోబర్ 5 నుంచి 10 వరకు, ఐదో సెమిస్టర్ పరీక్షలు అక్టోబర్ 11 నుంచి 16 వరకు. మొదటి సెమిస్టర్ పరీక్షలు నవంబర్ 7 నుంచి 13 వరకు రెండు తెలుగు రాష్ట్రాల్లో నిర్వహించనున్నట్లు వ‌ర్సిటీ అధికారులు వెల్లడించారు. అదేవిధంగా డిగ్రీ (ఓల్డ్ బ్యాచ్) మూడో సంవత్సరం పరీక్షలు అక్టోబర్ 18 నుంచి 23 వరకు, రెండో సంవత్సరం పరీక్షలు అక్టోబర్ 27 నుంచి నవంబర్ 2 వరకు, మొదటి సంవత్సరం పరీక్షలు నవంబర్ 4 నుంచి 7 వరకు నిర్వహించనున్నట్లు అధికారులు ఓ ప్రకటనలో వెల్లడించారు. మధ్యాహ్నం 2.00 నుంచి 5.00 గ.ల వరకు ఎగ్జామ్ నిర్వ‌హించ‌నున్నారు. పరీక్షకు రెండు రోజుల ముందు వ‌ర్సిటీ వెబ్ పోర్టల్ www.braouonline.in లో హాల్ టికెట్స్ డౌన్ లోడ్ చేసుకోవాలన్నారు. మరిన్ని వివరాలకు వారి సంబంధిత ఆధ్యయన కేంద్రంలో లేదా వ‌ర్సిటీ వెబ్ సైట్ www.braou.ac.in ను సందర్శించొచ్చని, మరింత సమచారం కోసం విశ్వవిద్యాలయ హెల్ప్ డెస్క్ 7382929570/580/590/600 ఫోన్ నెంబర్లలో సంప్రదించొచ్చని వ‌ర్సిటీ అధికారులు సూచించారు.
అక్టోబర్ 5 నుంచి అంబేద్కర్ వర్షిటీ డిగ్రీ పరీక్షలు
