– సనత్నగర్లో ఐదుగురు యువకులు అరెస్ట్
– 4 గ్రాముల ఎండీఎంఏ, ఓసీబీ ఫ్లేవర్స్ స్వాధీనం
– గోవాలో డ్రగ్స్ కొన్నట్లుగా గుర్తించిన పోలీసులు
ఇదే నిజం, తెలంగాణ బ్యూరో: బర్త్ డే పార్టీలో డ్రగ్స్ వాడిన ఐదుగురు యువకులను రాజేంద్రనగర్ ఎస్వోటీ పోలీసులు అరెస్ట్ చేశారు. వారి నుంచి 4 గ్రాముల ఎండీఎంఏ, 5 గ్రాముల గంజాయితో పాటు ఓసీబీ ప్లేవర్స్ డ్రగ్స్ స్వాధీనం చేసుకున్నారు. పుట్టిన రోజు పార్టీలో యువకులు డ్రగ్స్ వినియోగించి.. మత్తులో మునిగారు. గోవా (Goa) నుంచి డ్రగ్స్ కొనుగోలు చేసిన సమాచారం. ఈ ఘటనలో ఐదుగురు యువకులను రెడ్ హ్యాండెడ్ గా పట్టుకున్నారు. సనత్ నగర్ పోలీసులు ఎన్డీపీఎస్ యాక్ట్ కింద కేసు నమోదు చేసి దర్యాప్తు చేస్తున్నారు. నిందితుల వద్ద నుంచి ఎండీఎంఏ డ్రగ్స్, గంజాయి, ఓసీబీ ప్లేవర్స్ డ్రగ్స్‌తో పాటు 5 మొబైల్స్ సీజ్ చేశారు.
గంజాయి అమ్ముతున్న ముగ్గురు అరెస్ట్
మరోవైపు దుండిగల్ పీఎస్ పరిధిలో మేడ్చల్ ఎస్వోటీ పోలీసులు గంజాయి పట్టుకున్నారు. ఒరిస్సాకు చెందిన రంజాన్ దాస్, కేశవ్ కౌర్, కె.గంగా హైదరాబాద్లో ఉంటూ కార్మికులుగా పనిచేస్తున్నారు. తక్కువ కాలంలో ఎక్కువ సంపాదించాలనే ఆశతో ఈ ముగ్గురు గంజాయి దందా చేస్తున్నారు.
ఆ ముగ్గురు యువకులను పోలీసులు అరెస్ట్ చేశారు. రూ. 33 వేల 750 విలువ గల 1.35 కేజీల గంజాయిని సీజ్ చేశారు. తక్కువ కాలంలో ఎక్కువ సంపాదన ఆశతో ఈ ముగ్గురు గంజాయి దందా చేస్తున్నారు. ఒరిస్సాకు చెందిన కార్మికులు రూ. 7 వేలకు కొనుగోలు చేసి హైదరాబాద్లో రూ. 15 వేలకు అమ్ముతున్నట్లు పోలీసులు గుర్తించారు.
