తెలంగాణ సీఎం రేవంత్ రెడ్డిపై బిఆర్ఎస్ పార్టీ నేత హరీష్ రావు సంచలన వ్యాఖ్యలు చేసారు. సీఎం రేవంత్ రెడ్డి తీసుకున్న తుగ్లక్ నిర్ణయాల వల్ల రాష్ట్రానికి రూ.600 కోట్ల నష్టం జరిగింది అని హరీష్ రావు తెలిపారు. 2022లో ఫార్ములా-ఈ జరిగినప్పుడు దాని ఇంపాక్ట్ వల్ల తెలంగాణ ఎకానమీకి రూ.600-700 కోట్ల లాభం జరిగిందని ప్రపంచ ప్రఖ్యాతి గాంచిన నెల్సన్ అనే సంస్థ తెలిపింది అని వెల్లడించారు. ఫార్ములా-ఈలో అవినీతి జరగలేదని మంత్రి పొన్నం ప్రభాకర్ చెప్పారు. మరి అవినీతి జరగకపోతే అవినీతి నిరోధక శాఖ ద్వారా మీరు ఎలా ఎంక్వయిరీ చేస్తారు అని హరీష్ రావు ప్రశ్నించారు. ఫార్ములా-ఈ మొదటి సీజన్ ఖర్చు రూ.30 కోట్లు.. తెలంగాణ రాష్ట్రానికి రూ.700 కోట్లు లాభం వచ్చింది అని తెలిపారు. ఫార్ములా-ఈ మొదటి సారి జరిపినందుకు 192 దేశాల్లో హైదరాబాద్ ఇమేజ్ పెరిగింది అని హరీష్ రావు పేర్కొన్నారు.
- Advertisment -
