Employees: ఆ ఉద్యోగులను తొలగిస్తూ.. రాష్ట్ర ప్రభుత్వం సంచలన నిర్ణయం..!

Employees: ఆంధ్ర ప్రదేశ్ రాష్ట్ర ప్రభుత్వం ఏపీ ఫైబర్‌నెట్‌ పై సంచలన నిర్ణయం తీసుకుంది. సూర్య ఎంటర్‌ప్రైజెస్ ద్వారా నియమితులైన సుమారు 500 మంది ఉద్యోగులను ఈ నెలాఖరులోగా తొలగించాలని ఆదేశించింది. నియామకాల్లో గతంలో జరిగిన అక్రమాలు, కొందరు ఆఫీసులకు హాజరు కాకుండానే జీతాలు పొందినట్లు ప్రభుత్వం గుర్తించింది. ఈ నేపథ్యంలో, ఎలాంటి ఒప్పంద పొడిగింపు ఉండదని స్పష్టం చేస్తూ, పారదర్శకత మరియు జవాబుదారీతనం కోసం కఠిన చర్యలు తీసుకుంది. ఈ నిర్ణయం ఫైబర్‌నెట్ ఉద్యోగుల్లో ఆందోళన రేకెత్తించినప్పటికీ, ప్రభుత్వం నిర్వహణలో సంస్కరణలకు ఇది ఒక అడుగుగా భావిస్తోంది.