యో–యో టెస్ట్​ అంటే ఏమిటీ?

విరాట్​ను అడిగిన ప్రధాని మోడీ
న్యూఢిల్లీ: ‘యో–యో టెస్ట్ గురించి చాలా విన్నాను.. అసలు అదంటే ఏంటీ’ అని ప్రధాని నరేంద్ర మోడీ ఇండియన్​ క్రికెట్​ టీం కెప్టెన్​ విరాట్​ కోహ్లీని అడిగాడు. ‘యో–యో టెస్ట్ నుంచి కెప్టెన్​కు మినహాయింపు ఏమైనా ఉంటుందా?’ అని విరాట్​తో ప్రధాని చమత్కరించారు.
‘ఇంటర్నెషనల్​ క్రికెట్​లో ఇండియా ఫిట్​నెస్​ లెవెల్స్ ఇంకా మెరుగుపడాల్సిన అవసరం ఉంది. యో–యో టెస్ట్​ ద్వారా క్రికెటర్​ ఫిట్​నెస్​ని అంచనా వేస్తారు. వికెట్ల మధ్య పరిగెత్తెందుకు ఇది చాలా దోహదం చేస్తుంది. ఒక వేళ నేను కూడా యో–యో టెస్ట్​లో ఫెయిల్​ అయితే నన్ను కూడా ఫైనల్​ టీంలోకి తీసుకోరు.’ అని విరాట్​ ప్రధానికి వివరించారు.
ఫిట్​ ఇండియా(#NewIndiaFitIndia)లో భాగంగా ప్రముఖ క్రీడాకారులతో వర్చువల్​ మీటింగ్​లో మాట్లాడాడు. ఇందులో జమ్మూ కశ్మీర్​ ఫుట్​బాల్​ ప్లేయర్​ అప్షన్​ అషిక్​, యాక్టర్–​ రన్నర్​ మిలింద్​ సోమన్​ తదితరులు మోడీతో మాట్లాడారు.