మాజీ ఎమ్మెల్యే జీవన్ రెడ్డికి షాక్..షాపింగ్ కాంప్లెక్స్ సీజ్

నిజామాబాద్ జిల్లాలోని ఆర్మూర్ బీఆర్‌ఎస్ మాజీ ఎమ్మెల్యే జీవన్ రెడ్డికి టీఎస్ఆర్టీసీ అధికారులు షాక్ ఇచ్చారు. ఆర్టీసీ స్థలాన్ని లీజుకు తీసుకొని..షాపింగ్ కాంప్లెక్స్ నిర్మించిన ఎమ్మెల్యే బకాయిలు చెల్లించకపోవడంతో అధికారులు ఆ కాంప్లెక్స్‌ను సీజ్ చేశారు. కోర్టు ఆదేశాల మేరకు పలుమార్లు నోటీసులు ఇచ్చినప్పటికీ స్పందించకపోవడంతో అధికారులు ఈ నిర్ణయం తీసుకున్నారు. జీవన్ రెడ్డి దాదాపు రూ. 8 కోట్ల బకాయిలు ఉన్నట్టు వారు తెలిపారు.