Four years old Twins married : నాలుగు ఏళ్లకే పెళ్లిచేసుకున్న కవలలు.. వైరల్ అవుతున్న వీడియో..!!

Four years old Twins married : థాయిలాండ్‌లోని కలసిన్ ప్రాంతంలోని ప్రాచయా రిసార్ట్‌లో జరిగిన ఒక వివాహ వేడుక సోషల్ మీడియాలో సంచలనంగా మారింది. ఈ వేడుకలో ఒక కుటుంబం తమ 4 ఏళ్ల అవళి కవలలకు ఘనంగా వివాహం జరిపించింది. ఈ వివాహం థాయ్ బౌద్ధ సాంప్రదాయంలో భాగమైన ఒక సింబాలిక్ ఆచారంలో జరిగింది.

జూన్ 28న ప్రాచయా రిసార్ట్‌లో జరిగిన ఈ వివాహ వేడుక అత్యంత వైభవంగా నిర్వహించబడింది. వీడియోలో కనిపించే దృశ్యాలు ఆకర్షణీయమైన అలంకరణలు, అతిథుల కోసం ప్రత్యేక ఏర్పాట్లు, బౌద్ధ సన్యాసుల సమక్షంలో జరిగిన సాంప్రదాయ ఆచారాలను చూపిస్తాయి. ఈ వీడియోలో 4 ఏళ్ల వధువు తన సోదరుడు అయిన వరుడి బుగ్గపై ముద్దు పెట్టడం, ఆపై వివాహ ఆచారాలను నిర్వహించడం కనిపిస్తుంది. బౌద్ధ సన్యాసులు ఈ జంటను ఆశీర్వదిస్తూ, ప్రత్యేక ఆచారాలను నిర్వహించారు. ఈ వేడుకలో సుమారు నాలుగు మిలియన్ బాట్ (సుమారు రూ. 1 కోటి లేదా $110,000) మరియు బంగారం విలువైన కట్నంగా అందించబడింది.

థాయ్ బౌద్ధ సాంప్రదాయంలో విరుద్ధ లింగాలకు చెందిన అవళి కవలలు మునుపటి జన్మలో ప్రేమికులుగా ఉన్నారని నమ్ముతారు. వారు చిన్న వయస్సులోనే వివాహం చేసుకోకపోతే వారి జీవితంలో దురదృష్టం లేదా అనారోగ్య సమస్యలు తలెత్తుతాయని భావిస్తారు. ఈ సింబాలిక్ వివాహం గత జన్మలోని దుష్కర్మలను తొలగించి, కవలలకు సౌభాగ్యాన్ని, ఆరోగ్యాన్ని తీసుకొస్తుందని నమ్మకం. ఈ వేడుక సాధారణ థాయ్ వివాహ సంప్రదాయాలను అనుసరిస్తుంది.