రేపటి నుంచి ఆంధ్రప్రదేశ్ రాష్ట్ర వ్యాప్తంగా పల్లె పండుగ కార్యక్రమం

ఆంధ్రప్రదేశ్ రాష్ట్రంలో సోమవారం నుంచి పల్లె పండుగ వారోత్సవాలు జరుపుకోవాలని పంచాయతీరాజ్ మరియు గ్రామీణాభివృద్ధి శాఖ నిర్ణయించింది. ఈ కార్యక్రమం రాష్ట్రంలోని 13,324 గ్రామాల్లో ఏకకాలంలో నిర్వహించబడుతుంది, ఇది గ్రామీణాభివృద్ధికి ఎంతో దోహదపడుతుంది. కృష్ణా జిల్లా కంకిపాడులో జరిగే వారోత్సవాల్లో డిప్యూటీ సీఎం పవన్ కల్యాణ్ పాల్గొననున్నారు. ఈ పండుగలో భాగంగా రాష్ట్ర ప్రభుత్వం దాదాపు రూ. 4,500 కోట్లతో 30,000 పనులు చేపట్టనున్నారు. ఇందులో 3,000 కి.మీ సిసి రోడ్లు, 500 కి.మీ తారురోడ్లు, వ్యవసాయ చెరువులు, పశువుల షెడ్లు తదితర అభివృద్ధి పనులు ఉన్నాయి.