సమ్మర్​ టార్గెట్​గా ‘గ్యాంగ్స్ ఆఫ్ గోదావరి’

మాస్ కా దాస్ విశ్వక్ సేన్ తాజా సినిమా గ్యాంగ్స్ ఆఫ్ గోదావరి. రచయిత, దర్శకుడు కృష్ణ చైతన్య తెరకెక్కిస్తున్న ఈ మూవీని ప్రముఖ నిర్మాణ సంస్థలు సితార ఎంటర్‌టైన్‌మెంట్స్‌, ఫార్చూన్ ఫోర్ సినిమాస్, శ్రీకర స్టూడియోస్ గ్రాండ్​గా నిర్మిస్తున్నాయి. ఎన్టీఆర్ జయంతి సందర్భంగా విడుదల చేసిన ఫస్ట్ లుక్ పోస్టర్లు, అలాగే సుట్టంలా సూసి అనే మెలోడీ గీతం ప్రేక్షకులను విశేషంగా ఆకట్టుకొని సినిమాపై అంచనాలను పెంచేశాయి. నేహా శెట్టి హీరోయిన్​గా నటిస్తుండగా.. నటి అంజలి కీలక పాత్రను పోషిస్తున్నారు. అయితే, కొంతకాలంగా ఈ సినిమా రిలీజ్​పై నెలకొన్న సస్పెన్స్ వీడింది. ఇటీవల వాయిదా పడ్డ ఈ మూవీని 2024 మార్చి 8న ప్రపంచవ్యాప్తంగా భారీగా విడుదల చేస్తున్నట్లు మేకర్స్ ప్రకటించారు. గ్యాంగ్స్ ఆఫ్ గోదావరిలో విశ్వక్ సేన్ చాలా గ్రే క్యారెక్టర్‌లో కనిపించనున్నారు. ఈ మూవీకి యువన్ శంకర్ రాజా మ్యూజిక్ అందిస్తున్నాడు.