హైదరాబాద్ లో ఘరానా మోసం.. మహిళను మోసం చేసి కిలో బంగారంతో ఉడాయించిన యువకుడు

పెట్టుబడి పేరుతో మహిళను యువకుడు మోసం చేశాడు. పంజాగుట్ట పోలీసులు తెలిపిన వివరాల ప్రకారం.. హైదరాబాద్ లోని పద్మారావునగర్ కు చెందిన ఓ మహిళ(56)కు తన కూతురు స్నేహితుడు కార్తీక్ రెడ్డితో పరిచయం ఏర్పడింది. ఈ క్రమంలో డీఎస్ఆర్ గ్రూపులో పెట్టుబడులు పెడితే రెట్టింపు లాభాలు వస్తాయని యువకుడు నమ్మించాడు. నమ్మిన బాధితురాలు కిలో బంగారం కార్తీక్ రెడ్డికి అప్పజెప్పింది. అప్పటి నుంచి అందుబాటులో లేకపోవడంతో మోసపోయినట్టు గ్రహించి ఆదివారం పోలీసులకు ఫిర్యాదు చేసింది.