తెలంగాణ ఆర్టీసీ బస్సులో మహిళలకు ఉచిత ప్రయాణ సౌకర్యం మరోసారి మహిళల పైటింగ్ కు దారితీసింది. మహాలక్ష్మీ స్కీమ్ అమలులోకి వచ్చిన నాటి నుంచి సీట్ల కోసం ఆడవాళ్ల ఫైటింగ్ లు పెరిగిపోతున్నాయి. తాజాగా సీట్ల కోసం ఇద్దరు అమ్మాయిలు జుట్టు పట్టుకుని చితక్కొట్టుకున్న మరో వీడియో వైరల్ అయింది. సంగారెడ్డి జిల్లాలో ఈ ఫైటింగ్ జరిగినట్లు ప్రచారం జరుగుతోంది.
నలుగురు అమ్మాయిలు జుట్లు పట్టుకుని పిడిగుద్దులతో దారుణంగా కొట్టుకున్నారు. తోటి ప్రయాణికులు ఆపే ప్రయత్నం చేసినా ఆగకుండా సిగపట్లకు దిగడంతో తోటి ప్రయాణికులు ఇబ్బంది పడ్డారు. కాగా పండగలు, సెలవు రోజుల్లో రద్దీ కారణంగా సీట్లు దొరకక ఇటువంటి ఘటనలు జరుగుతున్నాయని అధికారులు స్పందించి ఇటువంటివి జరగకుండా చర్యలు తీసుకోవాలని ప్రజలు కోరుతున్నారు.
