ఎన్టీఆర్ హీరోగా దర్శకుడు కొరటాల శివ తెరకెక్కిస్తోన్న చిత్రం ‘దేవర’. ఈ మూవీ ట్రైలర్‌ను ఈ నెల 10న విడుదల చేయనున్నట్లు మేకర్స్ తెలిపారు. ఈ మేరకు స్పెషల్ పోస్టర్ ను హీరో జూనియర్ ఎన్టీఆర్ సోషల్ మీడియా వేదికగా షేర్ చేశారు. ఈ పోస్టర్ లో ఎన్టీఆర్ సముద్రంలో పెద్ద రాయి మీద నిల్చొని ఉన్నాడు. వెనుక అలలు ఉవ్వెత్తున ఎగిసిపడుతున్నాయి. చేతిలో పదునైన ఆయుధాన్ని పట్టుకుని కోపంగా చూస్తున్నారు. ప్రస్తుతం ఈ పోస్టర్ సోషల్ మీడియాలో తెగ వైరల్ అవుతోంది. ఈ క్రేజీ అప్ డేట్ చూసి జూనియర్ ఎన్టీఆర్ అభిమానులతో పాటు సినీ లవర్స్ ఫుల్ ఖుషీ అవుతున్నారు.
