ప్రభాస్ ఫ్యాన్స్ కు గుడ్ న్యూస్.. రూమర్ల పై క్లారిటీ ‘ది రాజాసాబ్‌’ మూవీ టీమ్..!

పాన్ ఇండియా స్టార్ ప్రభాస్ హీరోగా మారుతి దర్శకత్వంలో ‘రాజాసాబ్’ అనే సినిమా చేస్తున్నాడు. ఈ సినిమాలో నిధి అగర్వాల్, రిద్ధి కుమార్, మాళవిక మోహనన్ హీరోయిన్లుగా నటిస్తున్నారు. ఈ సినిమా రొమాంటిక్ హారర్ డ్రామాగా తెరకెక్కుతుంది. ఈ సినిమా 2025 ఏప్రిల్ 10న విడుదల కానుందని చిత్రబృందం ఇప్పటికే ప్రకటించింది. ఈ సినిమా కోసం వీఎఫ్‌ఎక్స్ వర్క్‌ ఎక్కువ ఉన్న కారణంగా చెప్పిన తేదీకి విడుదలయ్యే అవకాశాలు ఉన్నాయి అని వార్తలు వచ్చాయి. తాజాగా, ఈ పుకార్లపై స్పందిస్తూ నిర్మాణ సంస్థ పీపుల్ మీడియా ఫ్యాక్టరీ అధికారిక లేఖను విడుదల చేసింది.ఈ సినిమా దాదాపు 80 శాతం షూటింగ్‌ పూర్తయింది. ఈ సినిమా గురించి ఏదైనా అప్డేట్ ఉంటె మేము అధికారికంగా ప్రకటిస్తాం అని తెలిపారు. త్వరలో టీజర్ రానుంది అని ప్రకటించారు. టీజర్ వదంతులపై స్పందించిన నిర్మాణ సంస్థ రాజాసాబ్ వాయిదా వార్తలపై స్పందించలేదు. ఈ సినిమాని పీపుల్ మీడియా ఫ్యాక్టరీ నిర్మిస్తుంది.