ఆంధ్రప్రదేశ్‌లోని రైతులకు కూటమి ప్రభుత్వం శుభవార్త చెప్పింది. రీసర్వే పూర్తయిన గ్రామాల్లో 2025 ఆగస్టు నాటికి రైతులకు కొత్త పాస్ పుస్తకాలు అందించనున్నట్లు ముఖ్యమంత్రి నారా చంద్రబాబు నాయుడు ప్రకటించారు. ఈ మేరకు అధికారులకు సీఎం స్పష్టమైన ఆదేశాలు జారీ చేశారు. కొత్త పాస్‌బుక్‌లపై క్యూఆర్ కోడ్‌తో పాటు ఆధార్ ఆధారంగా రైతులు తమ సొంత భూమి వివరాలను సులభంగా తెలుసుకునేలా చర్యలు తీసుకోవాలని సీఎం ఆదేశించారు. ఈ వ్యవస్థ ద్వారా భూమి యాజమాన్య వివరాలు పారదర్శకంగా, ఖచ్చితంగా అందుబాటులో ఉంటాయని ప్రభుత్వం భావిస్తోంది.
అంతేకాకుండా, 2027 డిసెంబర్ నాటికి రాష్ట్రవ్యాప్తంగా భూముల రీసర్వే ప్రక్రియను పూర్తి చేయాలని సీఎం చంద్రబాబు అధికారులకు గడువు విధించారు. ఈ రీసర్వే ద్వారా భూమి సంబంధిత వివాదాలను తగ్గించి, రైతులకు న్యాయం చేయడమే లక్ష్యంగా ప్రభుత్వం పనిచేస్తోంది.ఈ నిర్ణయం రైతులకు సౌలభ్యం కల్పించడంతో పాటు భూమి యాజమాన్య హక్కులను మరింత బలోపేతం చేసే దిశగా ఒక ముందడుగుగా పరిగణించబడుతోంది.
JOIN FOR REGULAR UPDATES
