ఏపీ ప్రజలకు శుభవార్త.. సరికొత్త విమాన సర్వీసులు ప్రకటించిన ప్రభుత్వం.. కొత్త రూట్లు ఇవే..!

ఆంధ్ర ప్రదేశ్ రాష్ట్రంలో విమాన సేవలను విస్తరించేందుకు కేంద్ర పౌర విమానయాన శాఖ మంత్రి రామ్మోహన్ నాయుడు చర్యలు చేపట్టారు. ఈ మేరకు కొత్త విమాన సర్వీసులను ప్రవేశపెడుతున్నట్లు ఆయన సామాజిక మాధ్యమం ఎక్స్‌లో ప్రకటించారు. మంత్రి వెల్లడించిన వివరాల ప్రకారం, జూన్ 12 నుంచి విశాఖపట్నం-భువనేశ్వర్ మధ్య, జూన్ 13 నుంచి విశాఖపట్నం-అబుదాబి మధ్య ఇండిగో ఎయిర్‌లైన్స్ వారానికి నాలుగు రోజులు విమాన సర్వీసులను నడుపనుంది. అలాగే, జూన్ 2 నుంచి విజయవాడ-బెంగళూరు మధ్య ఎయిర్ ఇండియా విమానాలు నడవనున్నాయి. ఈ కొత్త సర్వీసులతో రాష్ట్రంలో విమాన రవాణా సౌకర్యాలు మెరుగుపడనున్నాయని, ప్రయాణికులకు మరింత సౌలభ్యం కలగనుందని మంత్రి రామ్మోహన్ నాయుడు తెలిపారు.