Homeజిల్లా వార్తలుశ్రీచైతన్య కాలేజీలలో విద్యార్ధినులపై ఆగని వేధింపుల పర్వం.. అసభ్యకర మెసేజ్ లు పంపిన వైస్ ప్రిన్సిపాల్

శ్రీచైతన్య కాలేజీలలో విద్యార్ధినులపై ఆగని వేధింపుల పర్వం.. అసభ్యకర మెసేజ్ లు పంపిన వైస్ ప్రిన్సిపాల్

ఇదేనిజం,శేరిలింగంపల్లి : శ్రీచైతన్య విద్యాసంస్థలలో విద్యార్ధినులపై వేధింపుల పర్వం కొనసాగుతూనే ఉన్నది. మొన్న మదీనగూడ నిన్న మియాపూర్ నేడు మళ్ళీ మదీనగూడ అన్నచందంగా  శ్రీచైతన్య విద్యాసంస్థలు నిత్యం ఏదో ఒక రకంగా వార్తల్లో నిలుస్తున్నాయి . ఈ క్రమంలో ఆయా బ్రాంచిలలో లెక్చరర్ల అరాచకాలు ఒక్కొక్కటిగా బయటకు వస్తూనే ఉన్నాయి.  మొన్న మదీనగూడ కాలేజీలో విద్యార్థినుల పట్ల కెమిస్ట్రీ లెక్చరర్ అసభ్యంగా ప్రవర్తించిన విషయం విదితమే. అదిమరువక ముందే  తాజాగా నేడు మళ్ళీ మదీనాగూడ భారతి భవన్ శ్రీ చైతన్య కాలేజీలో బాధ్యతాయుతమైన స్థానంలోఉన్న వైస్ ప్రిన్సిపల్  శివ  విద్యార్ధునుల పట్ల  ప్రవర్తించిన విధానం సభ్య సమాజాన్ని విద్యార్థుల తల్లిదండ్రులను ఆలోచింప జేస్తున్నది. మదీనాగూడ భారతి భవన్ డేస్కాలర్ క్యాంపస్ లో వైస్ ప్రిన్సిపల్ గా పనిచేస్తున్న శివ గత కొంతకాలంగా విద్యార్థినులకు స్నాప్ చాట్ లో అసభ్యకరంగా మెసేజ్ లు పంపిస్తున్నాడు.

కీచక లెక్చరర్ స్నాప్ చాట్ లో విద్యార్థినికి పంపిన సందేశాలు ఇలా ఉన్నాయి..
ఇవాళ వైట్ డ్రెస్ లో చాలా అందంగా ఉన్నావు, నీకు లవర్ ఉన్నాడు. ఏంట్రా నా మీద కోపమా.. నువు కోపంగా ఉన్నావని నేను కాలేజీకి రాలేదు. నువు హర్ట్ అయితే నేను ఉండలేను. అందమైన మొహాలు ఇక్కడే ఉన్నాయి. నువు ఎక్కడున్నావు ఇంకా రాలేదు. నీకోసం ఎదురుచూస్తున్నాను అంటూ అనేక మెసేజ్ లు  విద్యార్థినుల కు పంపాడు. విద్యార్థినులు ఆయన మెసేజ్ లకు రిప్లై ఇవ్వకపోతే నా మెసేజ్ ఇంకా చూడలేదు ఏంటి. అంత బిజీనా అంటూ ఇలా విద్యార్థినిలకు పంపిన అనేక మెసేజ్ లు స్నాప్ చాట్ లో ఉన్నాయి. ఈ విషయం విద్యార్థి సంఘాల దృష్టికి రావడంతో మంగళవారం ఉదయం నవతెలంగాణ విద్యార్థి శక్తి రాష్ట్ర అధ్యక్షుడు పవన్ కుమార్, ఏఐఎస్ఎఫ్ శేరిలింగంపల్లి సెక్రటరీ ధర్మతేజ ఇతర విద్యార్థి సంఘం నాయకులు, విద్యార్థులు కాలేజీ ఎదుట ఆందోళనకు దిగారు. విషయం తెలుసుకున్న మియాపూర్ పోలీసులు కాలేజీ వద్దకు చేరుకుని విద్యార్థులతో మాట్లాడారు. వైస్ ప్రిన్సిపల్ శివ తమను వేధిస్తున్నాడని, అసభ్యకరంగా ప్రవర్తిస్తున్నట్లు విద్యార్థినులు పోలీసుల దృష్టికి తీసుకువచ్చారు. ఇంట్లో చెబితే మీకు మార్కులు వేయమని, ప్రాక్టికల్స్ లో ఫెయిల్ చేస్తామని బెదిరించారని, అందుకే తాము ఎవరికీ చెప్పుకోలేక, సార్ వేధింపులు భరించలేక ఇబ్బందులు పడుతున్నట్లు తెలిపారు.

మీరు బట్టలు తీసి డ్యాన్స్ చేస్తుంటే వీడియోలు తీయలేదుగా..ప్రిన్సిపాల్ శ్రీనివాస్..
ఇదే విషయం పై కాలేజీ ప్రిన్సిపల్  శ్రీనివాస్ దృష్టికి తీసుకువెళ్తే మీరు బట్టలు తీసి డ్యాన్స్ చేస్తుంటే వీడియోలు తీయలేదుగా.. దానికే ఎందుకు అంత ఫీల్ అవుతున్నారని తమను మరింత ఇబ్బంది పెట్టేలా మాట్లాడారని పలువురు విద్యార్థినులు విద్యార్థి సంఘాల దృష్టికి తీసుకువచ్చారు. వైస్ ప్రిన్సిపల్ శివపై చర్యలు  వెంటనే తొలగించి కేసులు పెట్టాలని విద్యార్థి సంఘాలు డిమాండ్ చేశాయి. విద్యార్థినుల పట్ల లెక్చరర్ల వేధింపులకు నిరసనగా పలు విద్యార్థి సంఘాలు ఆందోళన చేస్తున్న విషయం తెలుసుకున్న యాజమాన్యం  బస్సు డ్రైవర్లను కాలేజీలోకి పిలిపించింది. దీంతో విద్యార్థి సంఘాల మీద దాడికోసమే పిలిచారని, ఇక్కడ తాము ధర్నా చేస్తుంటే ఎలా వారిని పిలుస్తారని విద్యార్థి సంఘాలు మండిపడ్డాయి.

Recent

- Advertisment -spot_img