‘హరి హర వీర మల్లు’ మూవీ షూటింగ్ అప్డేట్..! చివరి షెడ్యూల్ ఎక్కడో తెలుసా..?

పవర్ స్టార్ పవన్ కళ్యాణ్ హీరోగా నటిస్తున్న సినిమా ‘హరి హర వీర మల్లు’. ఈ సినిమాకి జ్యోతి కృష్ణ దర్శకత్వం వహిస్తున్నారు. తాజాగా ఈ సినిమా గురించి ఒక అదిరిపోయే అప్డేట్ వచ్చింది. హాలీవుడ్ లెజెండరీ యాక్షన్ డైరెక్టర్ నిక్ పావెల్ ఆధ్వర్యంలో ఈ సినిమాలోని ఓ భారీ యుద్ధ సన్నివేశాన్ని చిత్రీకరించారు. హీరో పవన్ కళ్యాణ్ తో పాటు 400-500 మందితో చేసే ఈ యాక్షన్ సీక్వెన్స్ సినిమాకు ప్రధాన ఆకర్షణగా నిలుస్తుంది అని తెలిపారు.ఈ వారాంతంలో విజయవాడలో సినిమా చివరి షెడ్యూల్ ప్రారంభం కానుంది అని చిత్రబృందం ప్రకటించింది.ఈ షెడ్యూల్ తో సినిమా షూటింగ్ పూర్తి కానుంది. ఈ సినిమాని ఎ.ఎం. రత్నం సమర్పణలో మెగా సూర్య ప్రొడక్షన్స్ బ్యానర్‌పై ఎ. దయాకర్‌రావు భారీ బడ్జెట్ తో నిర్మిస్తున్నారు. ఈ సినిమా 2025 మార్చి 28న థియేటర్లో రిలీజ్ కానుంది.