Harish Rao : అప్పులపై రేవంత్ రెడ్డి అబద్ధాలను తీవ్రంగా ఖండిస్తున్నాం

Harish Rao : తెలంగాణ సీఎం రేవంత్ రెడ్డిపై బిఆర్ఎస్ పార్టీ నేత హరీష్ రావు (Harish Rao) సంచలన వ్యాఖ్యలు చేసారు. అధికారంలోకి వచ్చి ఏడాదిన్నర అవుతున్నా ఇంకెన్నాళ్లు అప్పుల పేరు చెప్పి తప్పించుకు తిరుగుతరు రేవంత్ రెడ్డి అని నిలదీశారు. ఒక అబద్ధాన్ని వంద సార్లు చెప్పినంత మాత్రాన అది నిజం అయిపోదు. తెలంగాణ అప్పు ఏడు లక్షల కోట్లు అని మీరు చేస్తున్న ప్రచారం శుద్ధ తప్పు అని అనేక సార్లు చెప్పాను. రాష్ట్ర అప్పు రూ. 4.17 లక్షల కోట్లు మాత్రమేనని అసెంబ్లీ వేదికగా ఆధారాలతో సభ్యులకు, రాష్ట్ర ప్రజలకు వివరించాను. అయినా మీరు ముఖ్యమంత్రి హోదాలో ఉండి మళ్ళీ అదే అబద్ధాన్ని చెబుతూ బిఆర్ఎస్ పాలన పై దుష్ర్పచారం చేస్తున్నారు అని మండిపడ్డారు. దివ్యంగా ఉన్న రాష్ట్రం, దివాలా తీసిందని పరపతి, ప్రతిష్ట దిగజార్చుతున్నారు. అప్పుల పై రేవంత్ రెడ్డి అబద్ధాలను, అవాస్తవాలను తీవ్రంగా ఖండిస్తున్నాం అని హరీష్ రావు అన్నారు.