– కాంగ్రెస్ గెలిస్తే ఢిల్లీ, కర్నాటక నుంచి తెలంగాణను కంట్రోల్ చేస్తారు
– మీదే సక్కగ లేదు మాకొచ్చి నీతులు చెప్తారా?
– మంత్రి హరీశ్రావు
ఇదేనిజం, తెలంగాణ బ్యూరో : తెలంగాణ అసెంబ్లీ ఎన్నికల్లో కర్నాటక సీఎం సిద్దరామయ్య, డిప్యూటీ సీఎం డీకే శివకుమార్లు ఏం ముఖం పెట్టుకుని ఓట్లు అడుగుతుండ్రు అని మంత్రి హరీశ్రావు విమర్శలు గుప్పించారు. శుక్రవారం హైదరాబాద్లో మంత్రి మీడియాతో మాట్లాడారు. కర్నాటకలో ప్రజలు ఆత్మహత్యలు చేసుకుంటుంటే పట్టించుకోకుండా ఇక్కడికొచ్చి ఓట్లు ఎలా అడుగుతున్నారని హరీశ్రావు ప్రశ్నించారు. కర్ణాటకలో 5 గంటలే కరెంట్ ఇస్తున్నామని డీకే శివకుమారే స్వయంగా ఒప్పుకున్నారని, ముందు మీ ఇళ్లు సక్కదిద్దుకోవాలని, ఆ తర్వాత మాకొచ్చి నీతులు చెప్పండి అని నిలదీశారు. కాంగ్రెస్ అధికారంలోకి వస్తే తెలంగాణను ఢిల్లీలో, కర్నాటక నుంచి కంట్రోల్ చేస్తారన్నారు. ఆ పార్టీలో టికెట్లు కావాలంటే ఢిల్లీకి, డబ్బులు కావాలంటే కర్నాటకు, ప్రచారం కోసం ఇతర రాష్ట్రాల నుంచి నాయకులు రావాల్సి ఉంటుందని ఎద్దేనా చేశారు. తెలంగాణ అభివృద్ధి చెందాలంటే కేసీఆర్తోనే జరుగుతుందని, ఆయనతోనే తెలంగాణ రక్షణ సాధ్యం అవుతుందన్నారు.
