అగ్రరాజ్యం అమెరికా అధ్యక్ష భవనం వైట్ హౌస్ అంటే ప్రపంచంలోనే అత్యధిక భద్రత ఉండే ప్రదేశం. ఇక్కడ అడుగడుగునా భద్రత ఉంటుంది. అలాంటి శ్వేతసౌధం వద్ద ఆసక్తికర సంఘటన జరిగింది.
వాషింగ్టన్ లో ఓ వ్యక్తి తన వాహనంతో వైట్ హౌస్ కాంప్లెక్స్ గేటును గుద్దేశాడు. వెంటనే స్పందించి వాషింగ్టన్ పోలీసులు ఆ వాహనం డ్రైవర్ ను అదుపులోకి తీసుకున్నారు. అయితే అది యాక్సిడెంటా, లేక ఉద్దేశపూర్వకంగానే జరిగిన దాడి ఘటనా అనేది తేలాల్సి ఉంది. ఘటన జరిగిన సమయంలో అమెరికా అధ్యక్షుడు జో బైడెన్ వైట్ హౌస్ లో లేరు. ఈ ఘటనపై దర్యాప్తు జరుపుతున్నామని అమెరికా సీక్రెట్ సర్వీస్ విభాగం అధికార ప్రతినిధి వెల్లడించారు. గతంలోనూ ఓ వ్యక్తి తప్ప తాగి గేటును గుద్దేశాడు.
