హడలెత్తిస్తున్న ‘హైడ్రా’.. కమిషనర్‌ రంగనాథ్‌ ఇంటికి భద్రత పెంపు..!

తెలంగాణలో హైడ్రా పెను సంచలనంగా మారింది. జీహెచ్‌ఎంసీ పరిధిలో వివిధ చెరువులు, కాలువలు, కుంటలు, ప్రభుత్వ, ఎండోమెంట్‌ భూములను ఆక్రమించి అక్రమ నిర్మాణాలు చేపట్టిన వారిపై తన ప్రతాపాన్ని చూపిస్తోంది. అయితే హైడ్రా కమిషనర్‌ ఏ వి రంగనాథ్‌ ఇంటి వద్ద పోలీసులు భద్రతను పెంచారు. మధురానగర్‌ కాలనీ D-81లోని ఆయన ఇంటి వద్ద ఇద్దరు సెక్యూరిటీతో కూడిన ఔట్‌ పోస్టు ఏర్పాటు చేశారు. నగరంలో చెరువులు, కుంటల్లో అక్రమ కట్టడాల తొలగింపును వేగవంతం చేసిన నేపథ్యంలో ఆయనకు ఏమైనా ముప్పు ఏర్పడవచ్చనే అనుమానంతో ప్రభుత్వం ప్రత్యేక భద్రతను ఏర్పాటు చేసింది.