India Pakistan War 2025: భారత్-పాకిస్థాన్ సరిహద్దుల్లో ఉద్రిక్తతలు మరోసారి ఉగ్రరూపం దాల్చాయి. ఏప్రిల్ 22, 2025న జమ్మూ కశ్మీర్‌లోని పహల్గాం వద్ద జరిగిన ఉగ్రదాడికి ప్రతీకారంగా భారత్ చేపట్టిన ‘ఆపరేషన్ సిందూర్’ తర్వాత కూడా పాకిస్థాన్ బుద్ధి తెచ్చుకోలేదు. పైగా, యుద్ధ జ్వాలలను రగులుస్తూ భారత్‌పై భారీ సైనిక దాడులకు తెగించింది. ఈ దాడులు రాజస్తాన్ నుంచి కశ్మీర్ వరకు సరిహద్దుల వెంబడి తీవ్రస్థాయిలో కొనసాగుతున్నాయి. ఇరు దేశాల మధ్య పరిస్థితులు పూర్తిస్థాయి యుద్ధం దిశగా సాగుతున్నాయని అంతర్జాతీయ విశ్లేషకులు హెచ్చరిస్తున్నారు.
హమాస్‌ను తలపిస్తూ పాక్ దాడులు
పాకిస్థాన్, హమాస్ ఉగ్ర సంస్థను తలపిస్తూ, భారత్‌లోని పౌర లక్ష్యాలపై క్షిపణి మరియు డ్రోన్ దాడులకు పాల్పడింది. రాజస్తాన్, జమ్మూ కశ్మీర్ సరిహద్దు ప్రాంతాల్లో ఈ దాడులు జరిగాయి. నియంత్రణ రేఖ (LoC) వెంబడి పాక్ సైన్యం అనేక కాల్పుల విరమణ ఒప్పంద ఉల్లంఘనలకు (CFVs) పాల్పడింది. ఈ దాడుల్లో డ్రోన్లు, మోర్టార్ ఆయుధాలు, ఇతర మందుగుండు సామగ్రిని విస్తృతంగా ఉపయోగించినట్లు తెలుస్తోంది. అయితే, భారత సాయుధ బలగాలు ఈ దాడులను పూర్తిస్థాయిలో తిప్పికొట్టాయి. ఎస్-400 వంటి అత్యాధునిక రక్షణ వ్యవస్థలతో పాక్ డ్రోన్లు, క్షిపణులను మార్గమధ్యంలోనే ధ్వంసం చేసినట్లు రక్షణ శాఖ వర్గాలు తెలిపాయి.
భారత్ భీకర ప్రతిదాడులు
పాకిస్థాన్ దాడులకు భారత్ భీకరంగా స్పందించింది. ఇస్లామాబాద్, కరాచీ, లాహోర్, పెషావర్, రావల్పిండి నగరాల్లోని కీలక ఎయిర్ డిఫెన్స్ వ్యవస్థలపై 24 గంటల వ్యవధిలో రెండుసార్లు భారత వైమానిక దళం మెరుపు దాడులు చేసింది. ఈ దాడుల్లో పాకిస్థాన్ యొక్క హెచ్‌క్యూ-9 ఎయిర్ డిఫెన్స్ మిస్సైల్ లాంచర్లు తీవ్రంగా దెబ్బతిన్నాయి. కరాచీ నౌకాశ్రయంపై భారత నౌకాదళం బాంబుల వర్షం కురిపించింది, దీంతో పాక్ నావికా స్థావరాలు శిథిలమయ్యాయి. ఈ దాడుల ధాటికి పాక్ ప్రధాని షహబాజ్ షరీఫ్ బంకర్‌లో తలదాచుకున్నారని సమాచారం.
భారత త్రివిధ దళాలు (ఆర్మీ, నేవీ, వైమానిక దళం) సమన్వయంతో నిర్వహించిన ఈ ప్రతిదాడులు 1971 యుద్ధం తర్వాత అత్యంత భీకరమైనవిగా నిలిచాయి. కామికేజ్ డ్రోన్లు, స్మార్ట్ బాంబులు, హమర్ వంటి అత్యాధునిక ఆయుధాలను ఈ దాడుల్లో వినియోగించినట్లు సైనిక వర్గాలు వెల్లడించాయి
JOIN FOR REGULAR UPDATES
FOLLOW ON GOOGLE NEWS
