IPL 2024: జడేజా ఖాతాలో అరుదైన రికార్డు

ఆదివారం ధర్మశాలలో జరిగిన మ్యాచ్‌లో పంజాబ్ కింగ్స్‌ పై చెన్నై సూపర్ కింగ్స్ 28 పరుగుల తేడాతో విజయం సాధించింది. ఆల్ రౌండ్ షోతో తమ పై వరుసగా ఐదు విజయాలు సాధించిన పంజాబ్ రికార్డుకు చెన్నై చెక్ పెట్టింది. ఈ విజయంతో చెన్నై సూపర్ కింగ్స్ ప్లేఆఫ్ అవకాశాలు మెరుగు పరుచుకుంది. ప్రస్తుతం పాయింట్ల పట్టికలో ఐదో స్థానం నుంచి మూడో స్థానానికి చేరుకుంది. ఈ మ్యాచ్ లో రవీంద్ర జడేజా 26 బంతుల్లో46 పరుగులు చేసి టాప్ స్కోరర్ నిలిచాడు. అలాగే సీఎస్కే బౌలర్లలో రవీంద్ర జడేజా 20 పరుగులు ఇచ్చి మూడు వికెట్లు తీసాడు. అయితే ఈ క్రమంలో స్టార్ ఆల్ రౌండర్ రవీంద్ర జడేజా అరుదైన రికార్డు సాధించాడు. చెన్నై సూపర్ కింగ్స్ తరఫున అత్యధిక ప్లేయర్ ఆఫ్ ద మ్యాచ్ అవార్డు అందుకున్న ఆటగాడిగా చరిత్ర సృష్టించాడు. పంజాబ్ కింగ్స్ మ్యాచ్‌తో కలిపి జడేజా ఖాతాలో 16 అవార్డులు చేరాయి. ఇంతకు ముందు ఈ రికార్డు సీఎస్‌కే మాజీ కెప్టెన్ మహేంద్ర సింగ్ ధోని పేరిట ఉండేది. ధోనీ ఇప్పటివరకు 15 ప్లేయర్ ఆఫ్ ద మ్యాచ్ అవార్డులు అందుకున్నాడు. జడేజా, ధోనీ తర్వాతి స్థానాల్లో సురేశ్ రైనా, రుతురాజ్ గైక్వాడ్, మైకేల్ హస్సీ ఉన్నారు. రైనా 12 సార్లు, రుతురాజ్ 11 సార్లు, హస్సీ ప్లేయర్ ఆఫ్ ది మ్యాచ్ అవార్డులు అందుకున్నారు.