IPL 2025 నిరవధిక వాయిదా.. మళ్లీ మొదలయ్యేదెప్పుడు..?

భారత్, పాకిస్థాన్ మధ్య యుద్ధం నేపథ్యంలో ఇండియన్ ప్రీమియర్ లీగ్ (IPL 2025) 2025 సీజన్ నిరవధికంగా వాయిదా పడిన సంగతి తెలిసిందే. షెడ్యూల్ ప్రకారం ఈ టోర్నమెంట్ మార్చి 22 నుంచి మే 25 వరకు జరగాల్సి ఉండగా, లీగ్ మ్యాచ్‌లు దాదాపు ముగిశాయి. ప్లే ఆఫ్‌కు చేరుతున్న క్రమంలో భద్రతా కారణాల రీత్యా టోర్నీ వాయిదా పడింది. ఈ నేపథ్యంలో, ఈ ఏడాది సెప్టెంబర్, అక్టోబర్ నెలల్లో జరగాల్సిన ఆసియా కప్ స్థానంలో మిగిలిన ఐపీఎల్ మ్యాచ్‌లను నిర్వహించే అవకాశం ఉందని క్రీడా వర్గాలు తెలిపాయి. ఈ నిర్ణయం ద్వారా ఐపీఎల్ యాజమాన్యం, ఆటగాళ్లు, అభిమానులు ఎప్పుడెప్పుడు టోర్నమెంట్ పునఃప్రారంభమవుతుందా అని ఎదురుచూస్తున్న వారికి కొంత ఊరట లభించనుంది. అయితే, ఈ ప్రతిపాదనపై ఇంకా అధికారిక ప్రకటన రావాల్సి ఉంది. భద్రతా పరిస్థితులు, ఆటగాళ్ల లభ్యత, షెడ్యూల్ సర్దుబాటు వంటి అంశాలను పరిగణనలోకి తీసుకుని బీసీసీఐ తుది నిర్ణయం తీసుకోనుంది.