కరోనాకు వెల్లుల్లి పరిష్కారం.. ?

కరోనావైరస్.. ఇప్పుడు యావత్ ప్రపంచాన్ని వణికిస్తోంది. ప్రస్తుతానికి ఎలాంటి చికిత్స లేని రోగం ఇది.

అయినప్పటికీ చికిత్సపై ఆన్‌లైన్లో రకరకాల ప్రచారాలు జరుగుతున్నాయి.

ఈ పరిస్థితుల్లో ప్రపంచ వ్యాప్తంగా బాగా ప్రచారమైన కొన్ని చికిత్సల విషయంలో సైన్స్ ఏం చెబుతోంది..? ఇప్పుడు చూద్దాం.

వెల్లుల్లి

వెల్లుల్లి ఇన్ఫెక్షన్ల విషయంలో అమోఘంగా పని చేస్తుంది… ఇది ప్రస్తుతం ఫేస్‌బుక్‌లో తెగ ప్రచారమవుతున్న విషయం.

మరి ఈ ప్రచారంపై ప్రపంచ ఆరోగ్య సంస్థ (డబ్యూహెచ్ఓ) ఏం చెబుతోంది?

” నిజానికి వెల్లుల్లిలో బ్యాక్టీరియాను అరికట్టే కొన్ని లక్షణాలున్నాయి. అంత మాత్రాన వెల్లుల్లి పూర్తిగా కరోనావైరస్‌ నుంచి రక్షిస్తుందనడానికి ఎలాంటి ఆధారాలు లేవు.”