తెలుగు డైరెక్టర్ వెంకీ అట్లూరితో సూర్య సినిమా చేస్తున్నాడా..?

‘లక్కీ భాస్కర్’ సినిమాతో మంచి హిట్ అందుకున్న దర్శకుడు వెంకీ అట్లూరి, ఆ తరువాత తమిళ్ స్టార్ హీరో సూర్యతో సినిమా చేయనున్నాడు. వెంకీ అట్లూరి దర్శకత్వంలో సూర్య నటించేందుకు చిత్రా ఎంటర్‌టైన్‌మెంట్ వ్యవస్థాపకుడు నాగవంశీ చర్చలు జరిపినట్లు తెలుస్తోంది. భారతదేశపు తొలి ఇంజన్‌ ఎలా తయారైందన్నదే కథాంశం కాబట్టి ఈ సినిమాకి ‘760 సిసి’ అనే టైటిల్‌ పెట్టనున్నట్లు సమాచారం. త్వరలోనే దీనిపై అధికారిక ప్రకటన వచ్చే అవకాశం ఉంది. వెంకీ అట్లూరి దర్శకత్వం వహించిన ‘లక్కీ భాస్కర్’ ప్రపంచవ్యాప్తంగా రూ. 107 కోట్లకు పైగా వసూలు చేసి బాక్సాఫీస్ వద్ద అద్భుత విజయం సాధించింది.