రేషన్ కార్డు ఈ-కేవైసీ పూర్తయ్యిందా? లేదా?.. ఈ సింపుల్ స్టెప్స్ ఫాలో అయ్యి తెలుసుకోండి..!

ఏపీ ప్రజలు రేషన్ కార్డు ఈ-కేవైసీ స్టేటస్ చెక్ చేయడానికి ఈ క్రింది STEPS ఫాలో అవ్వండి:

ఆన్‌లైన్‌లో చెక్ చేయడం:

• ఆంధ్రప్రదేశ్ పౌర సరఫరాల శాఖ అధికారిక వెబ్‌సైట్ https://epds2.ap.gov.in/epdsAP/epds ఓపెన్ చేయండి.
• వెబ్‌సైట్‌లో “డాష్‌బోర్డ్” ఆప్షన్‌పై క్లిక్ చేయండి.
• “రేషన్ కార్డు” సెక్షన్‌లో “EPDS Application Search” లేదా “Rice Card Search” ఆప్షన్‌ను ఎంచుకోండి.
• మీ రేషన్ కార్డు నంబర్‌ను నమోదు చేసి, “Search” బటన్‌పై క్లిక్ చేయండి.
• స్క్రీన్‌పై కుటుంబ సభ్యుల వివరాలు కనిపిస్తాయి. ఒకవేళ పేరు ఎదురుగా “Success” లేదా “S” అని చూపిస్తే, ఈ-కేవైసీ పూర్తయినట్లు. లేకపోతే, ఈ-కేవైసీ పెండింగ్‌లో ఉన్నట్లు గుర్తించండి.

రేషన్ డీలర్ వద్ద చెక్ చేయడం:

• సమీపంలోని రేషన్ షాప్ లేదా ఎండీయూ (మొబైల్ డిస్పెన్సరీ యూనిట్) వాహనంలో ఉన్న ePoS యంత్రంలో మీ రేషన్ కార్డు వివరాలు నమోదు చేయండి.
• స్క్రీన్‌పై కుటుంబ సభ్యుల వివరాలు కనిపిస్తాయి.
  ఎరుపు రంగు గడిలో పేరు ఉంటే, ఈ-కేవైసీ పెండింగ్‌లో ఉందని అర్థం. ఈ సమయంలో వేలిముద్ర (బయోమెట్రిక్) అందించడం ద్వారా ఈ-కేవైసీ పూర్తి చేయవచ్చు.
• ఆకుపచ్చ రంగు గడిలో పేరు ఉంటే, ఈ-కేవైసీ ఇప్పటికే పూర్తయినట్లు.

మీసేవా లేదా సచివాలయం:
మీసేవా కేంద్రం లేదా సమీప గ్రామ/వార్డు సచివాలయానికి వెళ్లి, రేషన్ కార్డు నంబర్ లేదా ఆధార్ నంబర్‌తో స్టేటస్ తనిఖీ చేయవచ్చు.

గమనిక:

• ఈ-కేవైసీ పూర్తి చేయడానికి ఏప్రిల్ 30, 2025 వరకు గడువు ఉంది.
• 5 సంవత్సరాల లోపు పిల్లలు మరియు 80 సంవత్సరాలు పైబడిన వృద్ధులకు ఈ-కేవైసీ అవసరం లేదు.