ఉచిత కరెంట్‌ మీరు పొందాలంటే అది తప్పనిసరి..!

తెలంగాణ రాష్ట్రంలో గృహజ్యోతి పథకం ద్వారా పేదలకు 200 యూనిట్ల ఉచిత విద్యుత్ అందుతుంది. 2024 మార్చి నెలలో ప్రవేశపెట్టిన గృహజ్యోతి పథకం రాష్ట్రవ్యాప్తంగా లక్షలాది మంది లబ్ధిదారులకు ఉచిత విద్యుత్‌ను అందిస్తోంది. ఈ పథకం లబ్ధిదారులకు జీరో కరెంట్ బిల్లు వస్తుంది. అయితే ఉచిత కరెంట్‌ను సద్వినియోగం చేసుకునే వారు కొన్ని ముఖ్యమైన విషయాలను తెలుసుకోవాలి. వారి విద్యుత్ వినియోగం 200 యూనిట్ల కంటే తక్కువ ఉంటే మాత్రమే ఈ పథకం వర్తిస్తుంది. లేదంటే ఈ పథకం వర్తించదు. 200 యూనిట్లు దాటిన వారు కచ్చితంగా కరెంటు బిల్లు చెల్లించాల్సిందే. అయితే ఈ పథకం ద్వారా లబ్ధి పొందుతున్న అర్హులైన రెండు లక్షల మంది వినియోగదారులు ఈ నెల 200 యూనిట్ల పరిమితి దాటిపోవడంతో జీరో కరెంటు బిల్లును కోల్పోతున్నారు. మరియు అలాంటి వినియోగదారులు ఈ పథకానికి అర్హులైతే, ఈ పథకంలో కొనసాగడానికి వారి విద్యుత్ వినియోగాన్ని తప్పనిసరిగా తగ్గించాలని అధికారులు సూచిస్తున్నారు.