హైదరాబాద్‌లో ఐటీ దాడులు.. పలు చోట్ల సోదాలు

హైదరాబాద్‌లోని ఓ రియల్ ఎస్టేట్ కంపెనీలో ఆదాయపు పన్ను శాఖ అధికారులు సోదాలు నిర్వహించారు. సోమవారం ఉదయం నగరంలోని మూడు చోట్ల ఏకకాలంలో దాడులు నిర్వహించారు. ఇటీవల విలువైన భూమిని విక్రయించిన సొమ్మును ఖాతాల్లో చూపకపోవడంతో అధికారులు ప్రస్తుతం సోదాలు నిర్వహిస్తున్నట్లు తెలుస్తోంది. నగరానికి చెందిన ప్రముఖ రియల్ ఎస్టేట్ కంపెనీ స్వస్తిక్ గ్రూప్ కార్యాలయంలో అధికారులు తనిఖీలు నిర్వహిస్తున్నారు. ఈమధ్య కాలంలో స్వస్తిక్ గ్రూప్ షాద్ నగర్ ప్రాంతంలో ఓ ఎంఎన్‌సీ కంపెనీకి రూ.300 కోట్ల విలువైన భూమిని విక్రయించింది. అయితే భూముల క్రయవిక్రయాలకు సంబంధించిన లెక్కలు బ్యాలెన్స్ షీట్ లో చూపడం లేదన్న ఆరోపణల నేపథ్యంలో ఐటీ అధికారులు దాడులు నిర్వహించారు.