సాగర్ ను సందర్శించిన జమ్మూ కశ్మీర్ హైకోర్టు న్యాయమూర్తి

ఇదే నిజం, నాగార్జునసాగర్: అంతర్జాతీయ పర్యాటక కేంద్రమైన నాగార్జునసాగర్ ను గురువారం జమ్మూకశ్మీర్, లడక్ హైకోర్టు సీనియర్ న్యాయమూర్తి, జమ్మూ కాశ్మీర్ రాష్ట్ర లీగల్ సర్వీసెస్ అథారిటీ ఎగ్జిక్యూటివ్ చైర్మన్ టస్సిర బస్తాన్ కుటుంబ సమేతంగా సందర్శించారు. బుధవారం రాత్రి నాగార్జునసాగర్ ఎ చేరుకున్న న్యాయమూర్తి దంపతులు గురువారం నాగార్జున కొండ మ్యూజియాన్ని సందర్శించారు. అనంతరం వారు బుద్ధవనం చేరుకొని బుద్ధ చరిత వనంలోని బుద్ధుని పాదాల వద్ద పుష్పాంజలి ఘటించారు. మహస్తుపంలోని ధ్యాన మందిరంలో ధ్యానం చేశారు. వీరికి నాగార్జునకొండ చారిత్రక విషయాలను , బుద్ధవనం ప్రత్యేకతలను స్థానిక టూరిజం గైడ్ సత్యనారాయణ వివరించారు. వీరితో పాటు ప్రోటోకాల్ డిప్యూటీ తహసీల్దార్​ శరత్​ చంద్ర, పెద్దవూర మండల రెవెన్యూ ఇన్​ స్పెక్టర్​ దండ శ్రీనివాస్ రెడ్డి, బుద్ధవనం సూపర్​ వైజర్​ విష్ణు, నిడమనూరు కోర్టు సిబ్బంది కాలిక్ తదితరులు ఉన్నారు.