– ట్విట్టర్లో ట్రెండింగ్గా మారిన హ్యాష్ టాగ్
– ఆమె కుటుంబానికి న్యాయం చేయాలంటూ నెటిజన్ల ట్వీట్లు
ఇదే నిజం, ఏపీ బ్యూరో: ఇటీవల ఆత్మహత్య చేసుకున్న గుంటూరు జిల్లా తెనాలికి చెందిన గీతాంజలి కుటుంబానికి న్యాయం చేయాలంటూ ఏపీ వ్యాప్తంగా నిరసనలు మొదలయ్యాయి. ట్విట్టర్లోనూ జస్టిస్ ఫర్ గీతాంజలి హ్యాష్ ట్యాప్ ప్రస్తుతం ట్రెండింగ్లో ఉంది. ప్రస్తుతం ఇది ఏపీ రాజకీయాల్లో హాట్ టాపిక్గా మారింది. గుంటూరు జిల్లా తెనాలికి చెందిన గీతాంజలి గృహిణి, ఆమె భర్త బాలచంద్ర బంగారం పని చేస్తుంటారు. ఈ దంపతులకు ఇద్దరు కుమార్తెలు. అయితే, ఇటీవల వైసీపీ నిర్వహించిన ఓ సభలో పాల్గొన్న గీతాంజలి.. తనకు జగన్ ప్రభుత్వం ద్వారా వచ్చిన సాయం గురించి మీడియాతో ఉత్సాహంగా మాట్లాడింది. పిల్లలకు అమ్మఒడి, తనకు ఇల్లు పట్టా వచ్చినందుకు ఎంతో సంతోషం వ్యక్తం చేసింది. ఈ వీడియోలో సోషల్ మీడియాలో వైరల్ కావడంతో దీనిపై టీడీపీ, జనసేన పార్టీలు ట్రోల్ చేశాయి. మితిమీరిన ట్రోలింగ్ దీంతో మనస్తాపానికి గురైన గీతాంజలి ఆత్మహత్యకు యత్నించింది. రెండ్రోజుల పాటు ప్రాణాలతో పోరాడి చనిపోయింది. దీంతో సోషల్ మీడియాలో జస్టిస్ ఫర్ గీతాంజలి హ్యాష్‌టాగ్‌ వైరల్‌గా మారింది. గీతాంజలి కుటుంబానికి న్యాయం చేయాలంటూ నెటిజన్లు ఇప్పటికే 15 వేలకు పైగా ట్లీట్లు చేశారు.
