రిషబ్ శెట్టి హీరోగా నటిస్తూ ఆయనే దర్శకత్వం వహించిన మూవీ కాంతార. గతేడాది రిలీజైన ఈ కన్నడ సినిమా పాన్ ఇండియా లెవెల్లో అన్ని భాషల్లోకి డబ్ అయ్యి సంచలన విజయం నమోదు చేసిన సంగతి తెలిసిందే. కాంతార సినిమాతో ఓవర్ నైట్ పాన్ ఇండియా స్టార్గా మారిపోయారు రిషబ్ శెట్టి. సూపర్ స్టార్ రజనీకాంత్ సైతం రిషబ్ను తన ఇంటికి పిలిపించుకుని అభినందించారు. అయితే, ప్రస్తుతం కాంతార మూవీకి ప్రీక్వెల్గా కాంతార చాప్టర్1ను రిషబ్ తెరకెక్కిస్తున్న సంగతి తెలిసిందే. తాజాగా రిలీజ్ అయిన ఈ మూవీ ఫస్ట్ లుక్ టీజర్ సినిమాపై అంచనాలను భారీగా పెంచేసింది. ప్రముఖ నిర్మాణ సంస్థ హోంబలె ఫిలిమ్స్ బ్యానర్ పై గ్రాండ్గా తెరకెక్కుతున్న ఈ మూవీలో తెలగు, తమిళ, కన్నడ, మలయాళ, బాలీవుడ్ ఇండస్ట్రీలకు చెందిన 15 మంది ప్రముఖ నటులు కీలక పాత్రల్లో నటిస్తున్నట్లు టాక్. అలానే మూవీ కోసం ఎంతో భారీ స్థాయిలో బడ్జెట్ కూడా ఖర్చు చేస్తున్నారట. మొత్తంగా గ్రాండియర్ గా తెరకెక్కుతున్న కాంతార చాప్టర్ 1 మూవీ తప్పకుండా రిలీజ్ అనంతరం అందరి అంచనాలు అందుకుంటుందని మేకర్స్ అభిప్రాయపడుతున్నారు.
