– అక్కడ కూడా మూడెకరాల భూమి ఇస్తామంటాడు
– బీజేపీ జాతీయ ప్రధాన కార్యదర్శి బండి సంజయ్ కామెంట్స్
ఇదేనిజం, హైదరాబాద్: బీజేపీ జాతీయ ప్రధాన కార్యదర్శి బండి సంజయ్ సంచలన ఆరోపణలు చేశారు. కేసీఆర్ మళ్లీ గెలిస్తే చంద్రమండలం మీద మూడెకరాల భూమి ఇస్తామంటారని ఎద్దేవా చేశారు. శుక్రవారం ఆయన మీడియాతో మాట్లాడుతూ.. ఈ మేరకు వ్యాఖ్యానించారు. కేసీఆర్ ప్రకటించిన అభ్యర్థుల లిస్ట్ అంతా ఉత్తదేనని ఆరోపించారు. ఎన్నికల సమయంలో ఆ స్థానంలో మరొకరి పేరు ఉంటుందని చెప్పుకొచ్చారు. ఇప్పటికే తన దగ్గరకు వచ్చిన లీడర్లతో కేసీఆర్ ఆ విషయం చెబుతున్నారన్నారు. కేసీఆర్ లిస్ట్ లో పేర్లు ప్రకటించిన వారికి బీఫామ్స్ ఇవ్వరని పేర్కొన్నారు.
