గ్రాడ్యుయేట్ ఎమ్మెల్సీ ఉప ఎన్నికపై కేసీఆర్ ఫోకస్

తెలంగాణలో పార్లమెంట్ ఎన్నికల పోలింగ్ ముగియడంతో ఇప్పుడు అందరి దృష్టి పట్టభద్రుల ఎమ్మెల్సీ ఎన్నికలపైనే ఉంది. ఎన్నికల్లో తమ సత్తా చాటాలని కాంగ్రెస్, బీఆర్ఎస్, బీజేపీలు ప్రయత్నిస్తున్నాయి. అయితే ఈ సిట్టింగ్ స్థానాన్ని కాపాడుకోవాలనిబిఆర్ఎస్, ఈ ఎన్నికల్లోనూ సత్తా చాటాలని కాంగ్రెస్, నిరుద్యోగులు తమ వైపే ఉన్నారని బిజెపి గెలుపు పై ధీమాగా ఉన్నారు. గ్రాడ్యుయేట్ ఎమ్మెల్సీ ఎన్నికల గెలుపు కోసం గులాబీ బాస్ కేసీఆర్ స్వయంగా రంగంలోకి దిగారు. నల్గొండ-ఖమ్మం-వరంగల్ జిల్లాల శాసనమండలి ఎన్నికల నేపథ్యంలో మూడు జిల్లాల ముఖ్య నేతలు, ప్రజాప్రతినిధులతో రేపు సమావేశం కానున్నారు. ఈ సమావేశానికి ఒక్కరు కూడా మిస్ కాకూడదని ఇప్పటికే కీలక నేతలకు సమాచారం అందించారు. ఈ సమావేశంలో తాజా రాజకీయాలపై చర్చ జరగనుందని తెలుస్తుంది..