– మా అభ్యర్థులను స్వయంగా సంప్రదిస్తున్నరు.
– వారే మాకు సమాచారం ఇచ్చారు
– కర్ణాటక డిప్యూటీ సీఎం డీకే శివకుమార్
ఇదేనిజం, తెలంగాణ బ్యూరో : కాంగ్రెస్ పార్టీ తెలంగాణలో అధికారం చేపట్టడం ఖాయమని కర్ణాటక డిప్యూటీ సీఎం డీకే శివకుమార్ ధీమా వ్యక్తం చేశారు. శనివారం ఆయన బెంగళూరులో విలేకరుల సమావేశంలో మాట్లాడారు. ఈ సందర్భంగా తెలంగాణ ఎన్నికల ఫలితాలపై కీలక వ్యాఖ్యలు చేశారు. తెలంగాణలో కాంగ్రెస్ పార్టీ సునాయాసంగా అధికారం చేపడుతుందన్నారు. కాంగ్రెస్ అభ్యర్థులను ట్రాప్‌ చేసేందుకు సీఎం కేసీఆర్ ప్రయత్నిస్తున్నారని ఆయన ఆరోపించారు. సీఎం కేసీఆర్ స్వయంగా తమ పార్టీ అభ్యర్థులు సంప్రదించారన్నారు. గెలిచిన వారిని క్యాంపులకు తరలించే అవసరం రాదని డీకే శివకుమార్ పేర్కొన్నారు. మరోవైపు 119 అసెంబ్లీ నియోజకవర్గాల ఓట్ల లెక్కింపు కోసం 49 కేంద్రాలను కేంద్ర ఎన్నికల సంఘం ఎంపిక చేసింది. 113 నియోజకవర్గాలకు సంబంధించి ఓట్ల లెక్కింపు 14 టేబుళ్ల ద్వారా జరుగనుంది. 500లకు పైగా పోలింగ్‌ కేంద్రాలున్న 6 నియోజకవర్గాల్లో 28 టేబుళ్లను ఏర్పాటు చేయనున్నారు. ఆదివారం ఉదయం 8 గంటలకు ఓట్ల లెక్కింపు ప్రారంభంకానుంది.
