జియో సినిమా యాప్‌ నుంచి కీలక ప్రకటన.. ఐపీఎల్‌ మ్యాచ్‌లను ఉచితంగా చూస్తున్నారా?

ఐపీఎల్‌ను ఉచితంగా ప్రసారం చేస్తున్న జియో సినిమా యాప్ నుంచి కీలక ప్రకటన వెలువడింది. కొత్త సబ్‌స్క్రిప్షన్ ప్లాన్‌ను ప్రారంభించనున్నట్లు ఆ కంపెనీ తన ట్విట్టర్ ఖాతా ద్వారా వెల్లడించింది. ఏప్రిల్ 25న ఈ కొత్త ప్లాన్ లాంచ్ అవుతుందని తెలిపింది. కానీ ఈ ప్లాన్ ద్వారా ఎలాంటి యాడ్స్ లేకుండా ఐపీఎల్ ప్రసారాలను వీక్షించవచ్చని తెలుస్తోంది. అయితే ఈ కొత్త సబ్‌స్క్రిప్షన్‌ ప్లాన్‌ ద్వారా జియో సినిమా యాప్‌ ద్వారా 4K నాణ్యత కలిగి వీడియోలు, ప్రసారాలను వీక్షించవచ్చు. అయితే ఈ ప్లాన్‌కు సంబంధించిన పూర్తి వివరాలు ఇంకా తెలియాల్సి ఉంది. ప్రస్తుతం జియో సినిమా యాప్‌లో రెండు సబ్‌స్క్రిప్షన్ ప్లాన్‌లు ఉన్నాయి. రూ.99 నెలవారీ ప్లాన్ మరియు రూ.999 వార్షిక ప్లాన్‌లు అందుబాటులో ఉన్నాయి. అయితే ఈ రెండు ప్లాన్‌లలో పూర్తిగా యాడ్ ఫ్రీ ఆప్షన్ లేదు. ప్రీమియం వినియోగదారులు కూడా కొన్ని ప్రకటనలను చూడవలసి ఉంటుంది.