ఆంధ్రప్రదేశ్ రాష్ట్ర సీఎం చంద్రబాబును కలిసిన కిరణ్ కుమార్ రెడ్డి

ఆంధ్రప్రదేశ్ రాష్ట్ర మాజీ ముఖ్యమంత్రి, బీజేపీ నేత కిరణ్ కుమార్ రెడ్డి ఏపీ ముఖ్యమంత్రి చంద్రబాబును కలిశారు. కిరణ్ కుమార్ రెడ్డి ఈరోజు హైదరాబాద్ జూబ్లీహిల్స్ లోని చంద్రబాబు నివాసానికి వచ్చారు. ఈ సందర్భంగా చంద్రబాబు, కిరణ్ కుమార్ రెడ్డిల మధ్య సుమారు అరగంటపాటు సమావేశం జరిగింది. వీరిద్దరి మధ్య ఎలాంటి చర్చలు జరిగాయో తెలియరాలేదు.కిరణ్ కుమార్ రెడ్డి ఇటీవలి ఎన్నికల్లో బీజేపీ అభ్యర్థిగా రాజంపేట లోక్ సభ స్థానం నుంచి పోటీ చేశారు. అయితే ఆయన వైసీపీ సిట్టింగ్ ఎంపీ మిథున్ రెడ్డి చేతిలో ఓడిపోయారు.