KTR : కాంగ్రెస్ అంటే కరువు.. కరువు అంటే కాంగ్రెస్

KTR : కాంగ్రెస్ పార్టీపై బిఆర్ఎస్ పార్టీ వర్కింగ్ ప్రెసిడెంట్ కేటీఆర్ సంచలన వ్యాఖ్యలు చేశారు .కక్షతో కాళేశ్వరం పంపులను పడావుపెట్టి, నిర్లక్ష్యంతో పాలమూరు రంగారెడ్డి ఎత్తిపోతల పనులను పక్కనపెట్టి, గోదావరి, కృష్ణా నదులకు భారీగా వరదలు వచ్చినా నీటిని ఒడిసిపట్టుకోకుండా వదిలేసిన ఫలితం అని అన్నారు. సాగునీళ్లు లేక ఎండిన పొలాలు ఎండిపోతున్నాయి అని అలాగే తాగునీళ్లు లేక జనల గొంతులు తడారుతున్నాయి అని తెలిపారు. నాడు కేసీఆర్ గారి పాలనలో జలకళ.. నేడు అసమర్థ కాంగ్రెస్ పాలనలో రాష్ట్రము అంత విలవిల అని విమర్శించారు. నాడు ఇంటింటికి నల్లానీళ్లు..నేడు ఆడబిడ్డల కండ్లల్లో కన్నీళ్లును పెటిస్తునారు అని పేర్కొన్నారు. ఇది శ్రీశైలం, సాగర్ జలాశయాలను ఏపీ సర్కారు ఖాళీ చేస్తున్నా నోరెత్తని కాంగ్రెస్ సర్కారు తప్పిదం అని నిలదీశారు. ఇది కాళేశ్వరం నుండి నీళ్లు ఎత్తిపోసుకునే అవకాశం ఉన్నా కేసీఆర్ గారి మీద కక్షతో రిజర్వాయర్లను, చెరువులు, కుంటలు నింపని కాంగ్రెస్ పాపం.
ఇది కాలం పెట్టిన శాపం కాదు.. ఇది తెలంగాణకు కాంగ్రెస్ శఠగోపం పెట్టింది అని మండిపడ్డారు. తెలంగాణ రాష్ట్రానికి కాంగ్రెస్ అంటే కరువు.. కరువు అంటే కాంగ్రెస్ అని విమర్శించారు.