– ఢిల్లీ విమానాశ్రయంలో ఘటన
ఇదే నిజం, తెలంగాణ బ్యూరో: ఫ్లైట్ లేట్ కావడంతో ప్రయాణికులు ఆగ్రహం వ్యక్తం చేసిన ఘటన ఢిల్లీ విమానాశ్రయంలో చోటు చేసుకున్నది. ఢిల్లీ నుంచి పట్నాకు వెళ్లాల్సిన విమానం ఏడు గంటలు ఆలస్యం కావడంతో ప్రయాణికులు మండిపడ్డారు. ఢిల్లీ నుంచి పట్నాకు బయలుదేరాల్సి ఉంది. విమానం కోసం ఎదురుచూస్తున్న ప్రయాణికులకు చేదు అనుభవం ఎదురైంది. విమానం ఎంతకీ రాకపోవడంతో వారంతా ఆందోళనకు గురయ్యారు. ఈ విషయంపై అక్కడి సిబ్బందితో వాగ్వాదానికి దిగారు. దీంతో ఎయిర్‌పోర్టులో గందరగోళ వాతావరణం నెలకొంది. ఈ ఘటనపై స్పందించిన ఎయిర్‌పోర్టు అధికారులు ప్రయాణికులతో మాట్లాడి పరిస్థితిని అదుపు చేశారు. దీనికి సంబంధించిన వీడియో నెట్టింట వైరల్‌గా మారింది.
