కంగనా రనౌత్ ‘ఎమర్జెన్సీ’ మూవీకి లైన్ క్లియర్… త్వరలోనే కొత్త రిలీజ్ డేట్

బాలీవుడ్ హీరోయిన్ కంగనా రనౌత్ నటించిన సినిమా ‘ఎమర్జెన్సీ’ ఎట్టకేలకు సెన్సార్ సర్టిఫికేట్ పొందింది. ఈ సినిమా విడుదల తేదీని త్వరలోనే ప్రకటిస్తామని కంగనా వెల్లడించింది. కంగనా స్వయంగా దర్శకత్వం వహించిన ఈ సినిమా మాజీ ప్రధాని ఇందిరా గాంధీ రాజకీయ జీవితం ఆధారంగా రూపొందించబడింది. భారతదేశంలో చీకటి రోజులుగా పేరొందిన ఎమర్జెన్సీ కాలంలో జరిగిన పరిణామాలు, పరిస్థితుల ఆధారంగా ఈ సినిమాని రూపొందించారు. అయితే కొన్ని సన్నివేశాలపై ఓ వర్గం అభ్యంతరం వ్యక్తం చేస్తూ కోర్టును ఆశ్రయించింది. ఈ నేపథ్యంలోనే సినిమా సెన్సార్ కూడా ఆలస్యమవుతోంది. చాలా సన్నివేశాలను తొలగించడానికి మేకర్స్ అంగీకరించడంతో లేటెస్ట్ సర్టిఫికేట్ జారీ చేయబడింది.