మేకింగ్ సూపర్​.. ‘Animal’ Trailer అదిరింది​

బాలీవుడ్ స్టార్​ రణ్​బీర్ కపూర్ హీరోగా, రష్మిక మందాన్న హీరోయిన్​గా సందీప్​ రెడ్డి వంగా డైరెక్షన్​లో తెరకెక్కిన యాక్షన్ ఎంటర్​టైనర్ ‘యానిమల్’. డిసెంబర్ 1న వరల్డ్ వైడ్​గా రిలీజ్​ కాబోతున్న ఈ పాన్​ ఇండియా మూవీపై ఆడియెన్స్​లో భారీ అంచనాలు నెలకొన్నాయి. సినిమా ప్రమోషన్స్​లో భాగంగా మేకర్స్ గురువారం సినిమా ట్రైలర్​ను రిలీజ్ చేశారు.ట్రైలర్ ఆద్యంతం ఆసక్తికరంగా సాగింది. తండ్రి కొడుకుల మధ్య రిలేషన్ షిప్​తో పాటుగా, రివెంజ్ లాంటి అంశాలను ట్రైలర్​లో చాలా పవర్​ఫుల్​గా చూపించారు సందీప్ రెడ్డి. ఈ మూవీలో బాబీ డియోల్, పృథ్వీ తదితరులు కీలక పాత్రల్లో నటించారు. రణ్‌బీర్‌ కపూర్‌పై చిత్రీకరించిన యాక్షన్‌ సీక్వెన్స్‌లు.. ఎమోషనల్‌ సీన్స్‌.. సినిమాపై అంచనాలు పెంచేలా ఉన్నాయి. మరోవైపు, ట్రైలర్‌పై మూవీ లవర్స్ హర్షం వ్యక్తం చేస్తున్నారు. సందీప్‌రెడ్డి వంగా మేకింగ్‌ స్టైల్‌ అదరహో అంటూ మెచ్చుకుంటున్నారు.