భారత్‌లో ఉగ్ర దాడికి ఐఎస్‌ఎస్‌ ఉగ్రవాద సంస్థ కుట్ర చేసింది. కేంద్రంలో అధికారంలో ఉన్న కీలక నేత హత్యకు ప్లాన్‌ చేసింది. దీని కోసం ఒక సూసైడ్ బాంబర్‌ను రంగంలోకి దించింది. అయితే ఆ ఉగ్రవాదిని అదుపులోకి తీసుకున్నట్లు రష్యా పేర్కింది. రష్యన్ ఫెడరల్ సెక్యూరిటీ సర్వీస్ (ఎఫ్‌ఎస్‌బీ) ఈ మేరకు సోమవారం ప్రకటన విడుద‌ల చేసింది. రష్యా న్యూస్ ఏజెన్సీ స్పుత్నిక్ ఈ విషయాన్ని వెల్లడించింది. రష్యాలో నిషేధించిన ఇస్లామిక్ స్టేట్ అంతర్జాతీయ ఉగ్రవాద సంస్థ సభ్యుడిని రష్యన్ ఫెడరల్ సెక్యూరిటీ సర్వీస్ (ఎఫ్‌ఎస్‌బీ) గుర్తించి, నిర్బంధించినట్లు తెలిపింది. ఆ ఉగ్రవాది మధ్య ఆసియా ప్రాంతంలోని ఒక దేశానికి చెందినవాడని పేర్కొంది. ఆత్మాహుతి బాంబర్ తనను తాను పేల్చుకుని రాజకీయ నేతను హత్య చేసేందుకు ప్లాన్‌ చేసినట్లు వెల్లడించింది. ఎఫ్‌ఎస్‌బీ నిర్బంధించిన ఆ వ్యక్తిని ఆత్మాహుతి బాంబర్‌గా టర్కీలో ఐఎస్‌ఐఎస్‌ రిక్రూట్ చేసినట్లు వివరించింది
- Advertisment -
