Megastar : ‘మెగా 156’లో సర్​ప్రైజింగ్ ఎలిమెంట్స్

మెగాస్టార్ చిరంజీవి హీరోగా బింబిసార ఫేమ్ వశిష్ట దర్శకత్వంలో ఓ సినిమా తెరకెక్కుతున్న సంగతి తెలిసిందే. ఇది చిరంజీవి నటిస్తున్న 156వ సినిమా కాగా.. ఈ మూవీకి సంబంధించి మరో ఇంట్రెస్టింగ్ గాసిప్ వినిపిస్తోంది. ఈ సినిమాలో వచ్చే ఫ్లాష్ బ్యాక్ మొత్తం అద్భుతమైన ఫాంటసీ డ్రామాగా సాగనుందని టాక్. అయితే, ఈ ఫాంటసీ ఫ్లాష్ బ్యాక్​లోని విజువల్ ఎఫెక్ట్స్​ సినిమా మొత్తానికే హైలైట్ నిలుస్తాయని తెలుస్తోంది. ముఖ్యంగా హిమాలయాల నేపథ్యంలో వచ్చే ఓ యాక్షన్ సీక్వెన్స్​లోని విజువల్స్ కూడా అద్భుతంగా అనిపిస్తాయి. మెగాస్టార్ చిరంజీవి పాత్ర కూడా చాలా సర్​ప్రైజింగ్ ఎలిమెంట్స్​తో ఉంటుందని తెలుస్తోంది. ఇక ఈ సినిమాలో హీరోయిన్​గా త్రిషను ఫైనల్ చేశారని తెలుస్తోంది. ఈ క్రేజీ ప్రాజెక్ట్ గురించి దర్శకుడు వశిష్ట పలు ఇంట్రెస్టింగ్ కామెంట్స్ చేశాడు. ఈ సినిమాలో మెగాస్టార్​ను ఎలా చూడాలి అనుకుంటున్నారో.. ఆయన పాత్ర అలాగే ఉంటుందని, అద్భుతమైన ఫాంటసీ డ్రామా కూడా ఉంటుందని వశిష్ట చెప్పుకొచ్చాడు. ఇక ఈ భారీ సినిమాకు కీరవాణి సంగీతం అందిస్తుండగా యూవీ క్రియేషన్స్ నిర్మిస్తోంది. ఈ సినిమాకి ‘విశ్వంభర’అనే టైటిల్​ను మేకర్స్ పరిశీలిస్తున్నట్లు తెలుస్తోంది.