Mirzapur Season 3: ‘మీర్జాపూర్’ ఫ్యాన్స్‌కు గుడ్ న్యూస్.. క్రేజీ అప్డేట్ ఇచ్చిన అమెజాన్ ప్రైమ్..

అమెజాన్ ప్రైమ్ వీడియోలో అత్యంత విజయవంతమైన వెబ్ సిరీస్‌లలో “మీర్జాపూర్” వెబ్ సిరీస్ ఒకటి. అత్యధికంగా వీక్షించబడిన భారత సిరీస్‌గా మిర్జాపూర్ నిలిచింది. యాక్షన్, క్రైమ్ థ్రిల్లర్ గా వచ్చిన ఈ వెబ్ సిరీస్ ప్రేక్షకులను విశేషంగా ఆకట్టుకుంటోంది. సూపర్ హిట్ వెబ్‌సిరీస్ ‘మీర్జాపూర్’ రెండు సీజన్లు పూర్తి చేసుకుంది. తాజాగా అమెజాన్ ప్రైమ్ వీడియో మీర్జాపూర్ మూడో సీజన్ గురించి అప్డేట్ ఇచ్చింది. మీర్జాపూర్ సీజన్ 3(Mirzapur Season 3) కోసం మరికొన్ని రోజులు ఆగండి అంటూ ఓ పోస్టర్‌ను రిలీజ్ చేసింది. ఇందులో కుర్చీపై కూర్చున్న అలీ ఫైజల్ లుక్ బాగా వైరలవుతుంది. జూన్ లేదా జులైలో సీజన్-3 స్ట్రీమింగ్‌కు వచ్చే అవకాశం వుంది.