‘ఎక్స్ ట్రా..ఆర్డినరీ మ్యాన్​’పై నితిన్​ ఫుల్ కాన్ఫిడెన్స్..

‘జయం’మూవీతో కెరీర్​ ప్రారంభించిన టాలీవుడ్​ హీరో నితిన్​కు​ స్టార్టింగ్​లో ‘దిల్’​,‘సై’లాంటి సూపర్​హిట్లు పడ్డప్పటికీ ఆ తర్వాత వరుస ఫ్లాప్​లతో వెనకపడిపోయాడు. మళ్లీ 2012లో వచ్చిన ఇష్క్​, ఆ తర్వాత ఏడాది రిలీజైన గుండెజారి గల్లంతయిందే సినిమాలతో బౌన్స్ బ్యాక్​ అయ్యాడు. అయితే, కెరీర్​ మొత్తంలో ఫ్లాప్​లు ఎక్కువున్నప్పటికీ రెండేళ్లకోసారి హిట్లు కొడుతూ టాలీవుడ్​లో తన స్థానాన్ని నితిన్ సుస్థిరం చేసుకున్నాడు. కరోనాకు ముందు రిలీజైన భీష్మ సినిమాతో మళ్లీ ట్రాక్​లోకి వచ్చిన నితిన్​ను ఆ తర్వాత వరుస పరాజాయాలు పల​కరించాయి. ఈసారి మళ్లీ ఎలాగైన హిట్టు కొట్టి బ్యాక్​ టు ఫామ్​లోకి రావాలని నితిన్​ గట్టిగా ట్రై చేస్తున్నాడు. తాజాగా అతడు నటించిన ‘ఎక్స్​ట్రా.. ఆర్డినరీ మ్యాన్’మూవీ రిలీజ్​కు సిద్ధంగా ఉంది. దర్శకుడు వక్కంతం వంశీ తెరకెక్కించిన ఈ సినిమాలో శ్రీలీల హీరోయిన్​గా నటించింది. ఈ మూవీ నుంచి వచ్చిన పాటలు, ట్రైలర్​ ఆడియెన్స్​ను విపరీతంగా ఆకట్టుకున్నాయి. ప్రీ రిలీజ్​ ఈవెంట్​ సైతం గ్రాండ్​గా జరిగింది. ఈ మూవీ విషయంలో చాలా కాన్ఫిడెన్స్​గా ఉన్నట్లు తెలుస్తోంది. హరిస్ జైరాజ్​ మ్యూజిక్​ అందించిన ఈ సినిమాను శ్రేష్ఠ్​ మూవీస్ బ్యానర్ నిర్మించింది. ఈ నెల 8న ఈ మూవీ రిలీజ్​ కానుంది.