బెయిల్‌ రద్దు పిటిషన్‌పై.. జానీ మాస్టర్‌కి భారీ ఊరట

జానీ మాస్టర్ తనపై లైంగిక దాడికి పాల్పడ్డాడని తన అసిస్టెంట్ మహిళా కొరియోగ్రాఫర్ పోలీసులకు ఫిర్యాదు చేసింది. సెప్టెంబర్ 16న పలు సెక్షన్ల కింద కేసు నమోదు చేసి జానీ మాస్టర్‌ అరెస్ట్ చేశారు. ఆ తర్వాత కోర్టు రిమాండ్ విధించడంతో చంచల్‌గూడ 36 రోజులు జైల్లోనే ఉన్నాడు. ఇటీవలే జానీ మాస్టర్ కు హైకోర్టు బెయిల్ మంజూరు చేయడంతో అయన బయటికి వచ్చారు. అయితే బెయిల్ రద్దు చేయాలంటూ ఆ కేసులో బాధితురాలు దాఖలు చేసిన తాజా పిటిషన్ శుక్రవారం సుప్రీంకోర్టులో విచారణకు వచ్చింది. ఈ పిటిషన్‌పై శుక్రవారం సుప్రీంకోర్టులో విచారణ జరిగింది. ఆ పిటిషన్‌ను కొట్టివేసిన సుప్రీంకోర్టు, తెలంగాణ హైకోర్టు ఇచ్చిన బెయిల్ ఆర్డర్‌లో జోక్యం చేసుకోలేమని స్పష్టం చేసింది. దీంతో జానీ మాస్టర్‌కు భారీ ఊరట లభించింది.