నెట్‌ఫ్లిక్స్‌ ‘టిల్లు స్క్వేర్‌’ స్ట్రీమింగ్‌ డేట్‌ను అనౌన్స్‌ చేసింది. ఏప్రిల్‌ 26 నుంచి తెలుగుతోపాటు తమిళ, మలయాళ, కన్నడ, హిందీ భాషల్లో ప్రేక్షకులకు అందుబాటులో ఉండనుందని తెలిపింది. ‘‘హిస్టరీ రిపీట్‌ కావడం సాధారణం. అదే, టిల్లు వస్తే హిస్టరీ, మిస్టరీ, కెమిస్ట్రీ అన్నీ రిపీట్‌ అవుతాయి. అట్లుంటది టిల్లన్నతోని’’ అని పోస్ట్‌ పెట్టింది.
సిద్ధు జొన్నలగడ్డ , అనుపమ పరమేశ్వరన్‌ ప్రధాన పాత్రల్లో నటించిన చిత్రం ‘టిల్లు స్క్వేర్‌’ . మల్లిక్‌ రామ్‌ దర్శకుడు. ఈ సినిమా ఓటీటీ రిలీజ్ కోసం సినీ ప్రియులందరూ ఆతృతగా ఎదురుచూస్తున్నారు.
2022లో విడుదలైన ‘డీజే టిల్లు’ చిత్రానికి కొనసాగింపుగా ‘టిల్లు స్క్వేర్‌’ సిద్ధమైన విషయం తెలిసిందే. సితార ఎంటర్‌టైన్‌మెంట్స్‌ పతాకంపై సూర్యదేవర నాగవంశీ దీనిని నిర్మించారు. రొమాంటిక్‌ క్రైమ్‌ కామెడీ కథాంశంతో ఇది రూపుదిద్దుకుంది. మార్చి నెలాఖరున విడుదలైన ఈ చిత్రం బాక్సాఫీస్‌ వద్ద భారీ విజయాన్ని అందుకుంది. సిద్ధు జొన్నలగడ్డ యాక్టింగ్‌, అనుపమ అందాలు ప్రేక్షకులను అలరించాయి. ప్రపంచవ్యాప్తంగా దాదాపు రూ.125 కోట్లకు పైగా గ్రాస్‌ రాబట్టిందని సమాచారం.
