– మద్దతు ఇవ్వాలని విజ్ఞప్తి
– ప్రభుత్వం ఏర్పడ్డాక సముచిత పదవి ఇస్తామని హామీ
ఇదేనిజం, హైదరాబాద్: టీజేఎస్ అధినేత కోదండరాంతో పీసీసీ చీఫ్ రేవంత్రెడ్డి భేటీ అయ్యారు. ఈ ఎన్నికల్లో తమకు మద్దతు ఇవ్వాలని కోరారు. కాంగ్రెస్ ప్రభుత్వం ఏర్పాడ్డక సముచిత పదవి ఇస్తామని హామీ ఇచ్చినట్టు సమాచారం. చాలా రోజులుగా టీజేఎస్.. కాంగ్రెస్ కలిసి పోటీ చేయబోతున్నాయని వార్తలు వస్తున్న విషయం తెలిసిందే. అయితే టీజేఎస్ కు కాంగ్రెస్ పార్టీ టికెట్లు ఏమీ కేటాయించలేదు. కోదండరామ్ లేదా ఆయన పార్టీ నేతలు పోటీ చేసినా పెద్దగా ప్రయోజనం ఉండదని .. కాంగ్రెస్ పార్టీ భావిస్తోంది. అందుకే కోదండరామ్ ను మద్దతు ఇవ్వాలని రేవంత్ కోరారు. సోమవారం ఉదయం నాంపల్లిలోని టీజేఎస్ ఆఫీస్‌కు చేరుకున్న రేవంత్, కర్ణాటక మంత్రి బోసురాజు.. కోదండరాంను కలిశారు. ఎన్నికల్లో కాంగ్రెస్‌కు మద్దతు తెలపాలని ఈ సందర్భంగా కోదండరాంను రేవంత్ కోరనున్నారు. కలిసి పనిచేద్దామని ఇప్పటికే ఇరు పార్టీలు అంగీకారానికి వచ్చిన విషయం తెలిసిందే. ఇటీవల కాంగ్రెస్ అగ్రనేత రాహుల్‌తో భేటీ అయి కాంగ్రెస్‌తో కలిసి పనిచేయడానికి కోదండరాం అంగీకరించినట్టు సమాచారం.
